sanibonani

njengomuntu/ ingane yalapha eningizimu Afrika, ngiphatheka kabi uma ngibona elihle kangaka likaMthaniya lifa. Ngiphatheka kabuhlungu uma ngihamba noma ngigibele ilift (elevator), kungene umuntu ahluleke ukubingelela, kepha uma kungena undlebezikhany' ilanga athi HI- okungenani, ngiphathwa ngamahloni indlela thina sizwe esimpisholo esiziphatha ngayo, ingathi imfundiso iyasidida.

uyazi ngokubingelela nje kuphela ungenza umuntu azizwe ebalulekile emphakathini, azizwe engumuntu noma ebejabhe kangakanani. iyephi inhlonipho zwe lakithi. Bafwethu bengicela sisizaneni sigqugquzelaneni ukuthi sibingelelane, into elula, awukhokhi, futhi angeke ushodelwe yilutho. ukubingelela kuqala ubudlelwane, ngisho umuntu simkhumbula ngakho " oh! usho lo ongabingeleli", asisho ukuthi " lo ofunde kakhulu".

singenza njani ukubuyisa into ebaluleke kangaka, esizweni sakithi ikakhulu intsha.

angigeqi magula ngalodaba ngithi kangidede inkundla keniphefumula zithandwa zami, iyangixaka futhi iyangicasula lendaba.

Sawubona Sbosh nani malunga ahloniphekileyo, ngiyanibingelela ngokuzithoba okukhulu. Yebo dadewethu Sbosh wayibeka yacaca indaba ngezwa kuduma izindlebe zithi dum! dum! dum!

Isizwe sesishintshile akusafani nakudala lapho ingane zazi bingelela wonke umuntu emgwaqeni ngisho noma ungamazi uqala ukumbona. Esikhathini samanje sekugcwele indelelo abantwana babingelela abazali ngoheita! ohola! osure!

engingakusho ukuthi imfundiso iqala ekhaya ngakhoke uma ungafundisiwe ekhaya uzobonakala lapho ukuthi unhloboni kapende okanye ekhaya nikhiqiza muphi upende.

uyazi mina ngiguge ngingaka angikwazi ukuthi heita! kumuntu omdala ngivese ngibe namahloni ngishawe uvalo noma yena ebingelela ngawo lowo heita! ngivele ngithi sawubona.

ngakho ke ngiyanigqugquzela bazali futhi ngiyanincenga ukuthi nifundise ingane ukuzithoba nokuhlonipha.

Uma ngibingelela abantu besimame abalingana nami, abaningi basuke bacabange ukuthi ngifuna ukubeshela. Baphendula sengathi ba-uncomfortable, mhlawumbe nabanye abafowethu banokuyibona lento.

yebo Dlam's and Dlam's odadewethu labo ngendlela abajwayele ukweshelwa ngayo hhayi! noma wendlula nje sebacabanga uthi uzoshela, noma ubingelela ngesihle umuntu sekacabanga uthi ho! naso ke isesheli sizoshela, angazi mina ukuthi kwakhala nyonini.

ngethembe uthi bazophawula oSbosh kanye noNobuhle basichazele ukuthi kudalwa yini lokho.

sanibonani bafowethu no dade-

Inzima indaba yokubingelela le injalo nje ilula futh i kudala uma ubingelela kwakuyinto enhle nethokozisayo, esikhathini samanje uma uzihambela nje uhlangane no Mbokazi emile no Mshengu uma ubabingelela bacabanga ukuthi usuyabafensa hhayi nami angisazi manje ingakho kwesinye isikhathi ngikhetha ukuthula

E! Wayishinsha lento uNobuhle.
Unqinisile kodwa, izinsizwa eziningi uma owesifazane e-smiler bathi HA! uyangifuna.

kusobala ke manje ukuthi siyalingana ke, owesifazane uma emoyizela nathi sicabanga uthi uyasifuna kanjalo owesilisa uma ebingelela ngesihle owesifazane ucabanga ukuthi isikhathi sokweshelwa sesifikile.

inkinga ukuthi sesenze into elula yabanzima, i- assumption yonke eqale lenkingatheka.

kepha ngisagcizelela, kubalulekile ukubingelelana, akugqizi qakala ukuthi umuntu engimubingelayo usala ecabangani ngami, ngimsulwa, angifuni lutho kuye bengimubingelela nje, qha!

ngiyazi ukuthi kwesinye isikhathi abazali bafundisa izingane zabo ukuthi zingakhulumi nabantu abangabazi ngenxa yesimo sezenhlalakahle sanamhlanje, abantu abadala (hhayi bonke) yibona abenza ukuthi izingane zingabahloniphi ngenxa yendlela esiziphatha ngayo, kudala bekuthi uma bethi hlonipha uYihlo noNyoko, bekungashiwo abakuzalayo kuphela, kepha bekukhulunywa ngabantu abadala basendaweni kanye nohlangana nabo. namhlanje thina bantu abadala siphuza phambi kwezingane, sibhema nabo kuningi engingakusho, kodwa ngithi izwe loniwe yithi ngokungazihloniphi manje kufanelwe libuyiswe yitthi futhi ngokuhloniphana, nokuthandana.